“...mmiez’o curtile chiammato dell’onore
nuje ce truvamme tutte dint’o sole,
guardannece cu’ cummuzione e ammore…”

So’ cinquant’anne ca ce rincurrimme,
sti ‘vite parallele so’ state chiene e intense,
dulure e gioie so’ cchiù forte e’ primme.

E m’ allicordo chillu cielo niro,
mese d’ottobre do’ cinquantasette,
felice fino all’ultimo respiro,
guardavo l’Accademia, sunnavo sti stellette.

Simme turnate, s’affollano ‘e memorie.
Curaggio! A strata è chesta, e nun ce stanno viche!
‘Nun ce lagnammo, parlammo e mille storie,
simmo o nun’ simmo cavaliere antiche?!...

O’ tiempo passa e ‘nun se po’ fermà,
cu chi e’ spartute nu muorz’e giuventù,
o’ pienze sempre e nun t’ o’ può scurdà.

E chi nun’ ce stà cchiù…? Ce stà vicino!
Ce guarda, aspetta, e sulo o’ pateterno
sape si è ghiuto a nu’ miglior destino.

Ma nun’ ve addulurate, è l’emozione,
a’ vita nostra è stata straurdinaria
e simme sempre pronti pe’ l’istituzione.

È na passione…, na passione vera
ca’ ancora c’emoziona quanne sona o’ silenzio,
cu ‘e llacreme int’all’uocchie quanne sàgli’a’ bannèra.